மோட்டி வைரஸ் கல்வி மற்றும் பயிற்சி நிலையத்தின் மூன்றாவது மாபெரும் பட்டமளிப்பு விழா!!

நூருல் ஹுதா உமர்

மோட்டி வைரஸ் கல்வி மற்றும் பயிற்சி நிலையத்தின் மூன்றாவது மாபெரும் பட்டமளிப்பு விழா வெள்ளிக்கிழமை (03) பண்டாரநாயக்க சர்வதேச மாநாட்டு மண்டப பிரதான அரங்கில் மோட்டி வைரஸ் கல்வி மற்றும் பயிற்சி நிலையத்தின் நிறைவேற்றுப் பணிப்பாளர் கே.எப் பஸீஹா பர்வீன் தலைமையில் நடைபெற்றது.

இந்த நிகழ்வில் பிரதம அதிதியாக சப்ரகமுவ பல்கலைக்கழகத்தின் முன்னாள் உபவேந்தர் கலாநிதி மஹிந்த ரூபசிங்க கலந்து சிறப்பித்த துடன் கௌரவ அதிதிகளாக இலங்கைக்கான பங்களாதேஷ்  நாட்டின் உயர்ஸ்தானிகர் எண்டலிப் எலியஸ் மற்றும் மலேசியா நாட்டின் பிரதி உயர்ஸ்தானிகர் மொஹமட், சுகாதார அமைச்சின் உதவிச் செயலாளர் எச்.பி.பி ஜய விக்கிரமசிங்க, கல்வி அமைச்சின் உதவி பணிப்பாளர் எச்.டி.பி.எல் குணதிலக, மோட்டி வைரஸ் கல்வி மற்றும் பயிற்சி நிலையத்தின் பணிப்பாளர் ஏ.ஆர் எம் சர்ஜுன், மற்றும் பி.தைசீர், எம்.யு.எம். பாயிஸ், உதவி  காணி ஆணையாளர் நாயகம் ஆர். டி .எஸ் சமிந்து லக்ஷ்மன் ஜயரத்ன, NAITA நிறுவனத்தின் முன்னாள் உதவி பணிப்பாளரும், மோட்டி வைரஸ் கல்வி விவகார பணிப்பாளர்  டபலியு.ஏ.கே.எஸ்.குமார, VTA தொழிற்கல்வி நிறுவனத்தின் முன்னாள் பணிப்பாளர் சுலங்கனி பெரேரா, இலங்கை ஜவுளி மற்றும் ஆடை நிறுவனத்தின் பணிப்பாளர் நாயகம் திரு.தாரக நளின் கம்லத் ஆகியோர் கலந்து சிறப்பித்தனர்.

மேலும் சிறப்பு அதிதிகளாக ஸ்ரீலங்கா முஸ்லிம் மீடியா போரம் மற்றும் முஸ்லிம் கவுன்சில் ஆஃப் ஸ்ரீலங்காவின் தலைவர் என்.எம். அமீன்,  வசந்தம் தொலைக்காட்சி முகாமையாளர் எம்.எஸ்.எம் இர்பான்,  சிரேஷ்ட ஊடகவியலாளர் அஷ்ரப், வெல்லஸ்ஸ தொலைக்காட்சி பணிப்பாளர் எம்.எஸ்.பி பண்டார மற்றும் அரச, அரச துறைசார்ந்த பல்கலைக்கழகங்களின் பேராசிரியர்கள், விரிவுரையாளர்கள், கல்வி அதிகாரிகள் ஆகியோர் கலந்து கொண்டு மாணவ மாணவிகளுக்கு பதக்கங்களும் அணிவித்து சான்றிதழ் வழங்கி கௌரவித்தார்கள்.

இந்நிகழ்வில் உளவியல், உளவளத்துணை, தகவல் தொழில்நுட்பம், ஆசிரியர் பயிற்சி நெறி , வர்த்தக முகாமைத்துவம், ஆரம்பகால குழந்தைப் பருவக் கல்வி, ஆங்கில மொழி, சிங்கள மொழி போன்ற கற்கைநெறிகளுக்கான டிப்ளமோ சான்றிதழ் மற்றும் பதக்கங்கள் வழங்கப்பட்டதுடன் சுமார் 400 க்கும் மேற்பட்ட பட்டதாரிகள் பட்டங்களைப் பெற்றுக் கொண்டனர். மேலும் இப் பட்டமளிப்பு விழாவில் மலேசியா, சுவிட்சர்லாந்து, இத்தாலி போன்ற நாடுகளில் இருந்து கல்விகற்ற மாணவர்களும் கலந்து கொண்டமை விசேட அம்சமாகும்.