பின்தங்கிய புதுநகரம் அதகபா.வில் 5 மாணவர்கள் புலமைப் பரிசில் சித்தி!!!

 ( வி.ரி.சகாதேவராஜா)

 சம்மாந்துறை வலயத்துக்குட்பட்ட பின்தங்கிய மல்வத்தை புதுநகரம்  அ.த.க. பாடசாலையில்  தரம் 5 புலமைப் பரிசில் பரீட்சையில் ஐந்து மாணவர்கள் சித்தி அடைந்து சாதனை படைத்துள்ளார்கள்.

சம்மாந்துறை கோட்டத்தில் அதி கூடிய ஐந்து சித்திகளைப்பெற்ற ஒரேயொரு தமிழ்ப் பாடசாலையாக இப் புதுநகரம் அதகபாடசாலை திகழ்கிறது.

 புதுநகரம் அ.த.க.பாடசாலையின் அதிபர் இ.ஜெயசிங்கம்  இத்தகவலை நேற்று உறுதிப்படுத்தினார். 

குபேரன் தஸ்வின் என்ற மாணவன் அதிகூடிய 170 புள்ளிகளைப் பெற்று சாதனை படைத்துள்ளார்.

மேலும் இராமச்சந்திரன் கிருஷ்னியா என்ற மாணவி 161 புள்ளிகளையும்,  செல்வராஜ் சயானிகா என்ற மாணவி 146 புள்ளிகளையும் தீபன் ரபீஸ்னா 144 புள்ளிகளையும் யோகேஸ்வரன் ஹிவானு 145 புள்ளிகளையும் பெற்று சாதனை படைத்துள்ளனர் .