இரு கண் பார்வையை இழந்தும் அல்-குர்ஆனை மனனம் செய்த அல் ஹாபிழ் அப்துல்லாஹ் ; மாவடிப்பள்ளி நம்பிக்கையாளர் சபையினர் கௌரவிப்பு!!

( முஹம்மத் மர்ஷாத் )

இன்று 2024.12.13 ஆம் திகதி மாவடிப்பள்ளி நம்பிக்கையாளர் சபையின் ஏற்பாட்டில்‌ மாவடிப்பள்ளியைச் சேர்ந்த  பிறவியிலேயே தனது இரு கண் பார்வையை இழந்து" 

இந்த உலகத்தை நான் பார்க்கவில்லை என்றாலும் இந்த உலகம் என்னை பார்க்க வேண்டும்" என்ற ஒரு குறிக்கோளோடு  அல்-குர்ஆனை மனனம் இட்டு ஹாபிழாக பட்டம் பெற்றுள்ள அல்ஹாபிழ் அப்துல் அமீர் அப்துல்லாஹ் அவர்களை பாராட்டி , கௌரவிக்கும் நிகழ்வு இன்று மாவடிப்பள்ளி பெரிய பள்ளிவாசலில்  ஜும்ஆ தொழுகையை தொடர்ந்து நம்பிக்கையாளர் சபையின் தலைவர் மனாப் ஆசிரியர் தலைமையில்  இடம்பெற்றது. 

இந்நிகழ்வில் நம்பிக்கையாளர் சபையின் உறுப்பினர்கள் , உலமாக்கள், புத்தி ஜீவிகள், மசூரா சபை உறுப்பினர்கள் , நலன்விரும்பிகள் மற்றும் ஊர்மக்கள் என அனைவரும் கலந்து சிறப்பித்தனர்.