தமிழ் மக்கள் விடுதலை புலிகள் கட்சியின் வேட்பாளர்களை ஆதரித்து காரைதீவில் மாபெரும் பிரச்சாரக் கூட்டம்!!

 திகாமடுல்ல தேர்தல் மாவட்ட வேட்பாளர் அற்புதலிங்கம் விஷ்கரன் மற்றும் செல்வநாயம் ரசிகரன் ஆகியோரை ஆதரித்து காரைதீவு கிராம பொது அமைப்புகளால் ஒழுங்கு செய்யப்பட்ட மாபெரும் பிரச்சார கூட்டம்- தமிழ் மக்கள் விடுதலை புலிகள் கட்சியின் தலைவர் சிவ. சந்திரகாந்தன் பங்கேற்பு!

திகாமடுல்ல தேர்தல் மாவட்டத்தில் தமிழ் மக்கள் விடுதலை புலிகள் கட்சியின் படகு சின்னத்தில்  01ம் மற்றும் 09ம் இலக்கங்களில்  வேட்பாளர்களாக போட்டியிடும் அற்புதலிங்கம் விஷ்கரன் மற்றும் செல்வநாயம் ரசிகரன் ஆகியோரை ஆதரித்து காரைதீவு கிராமிய குழு  மற்றும் கிராம பொது அமைப்புகளால் ஒழுங்கு செய்யப்பட்ட மாபெரும் பிரச்சார கூட்டமானது இன்றைய தினம் (04) நடைபெற்றது.

இதன்போது கல்முனை குட்டி ஜிம் இளைஞர்கள் அம்பாறை மாவட்டத்தில் தமிழ் மக்கள் விடுதலை புலிகள் கட்சியின் வெற்றிக்கு கரம்கோர்த்து பணியாற்ற இணைந்து கொண்டமை குறிப்பிடத்தக்கது.

      

இக்கூட்டத்தில் தமிழ் மக்கள் விடுதலைப் புலிகள் கட்சியின் தலைவரும் முன்னாள் கிழக்கு மாகாண முதல் முதலமைச்சருமான சிவனேசதுரை சந்திரகாந்தன் அவர்கள் பிரதான பங்கேற்றிருந்ததுடன், கட்சியின் பிரதிச் செயலாளர் இணைப்பாக்கம் வை.சந்திரகுமார் வேட்பாளர் சோமநாதன் விபுலாநந்ததாஸ் உட்பட கட்சியின் அம்பாறை மாவட்ட நிர்வாகிகள் காரைதீவு பிரதேச மற்றும் கிராமிய குழு நிர்வாகிகள் பொது அமைப்புகளின் பிரதிநிதிகள் ஆதரவாளர்கள் என பலரும் கலந்து கொண்டிருந்தனர்.