நள்ளிரவு முதல் மின்சாரக் கட்டணங்கள் குறைப்பு!!

 இன்று (04) நள்ளிரவு முதல் நடைமுறைக்கு வரும் வகையில் 21.9% மின்சாரக் கட்டணங்கள் குறைக்கப்படும் என இலங்கை பொதுப் பயன்பாடுகள் ஆணைக்குழு (PUCSL) அறிவித்துள்ளது.

இலங்கை மின்சார சபையினால் அண்மையில் முன்வைக்கப்பட்ட மின்சாரக் கட்டணக் குறைப்புப் பிரேரணை தொடர்பான தீர்மானத்தை வழங்குவதற்காக கொழும்பில் இன்று (04) நடைபெற்ற ஊடகவியலாளர் சந்திப்பின் போதே PUCSL தலைவர் பேராசிரியர் மஞ்சுள பெர்னாண்டோ இதனைத் தெரிவித்தார்.

அரசுக்குச் சொந்தமான மின்சாரம் வழங்கும் நிறுவனம் தனது கட்டண திருத்த முன்மொழிவை பிப்ரவரி 22, 2024 அன்று ஆணையத்திடம் சமர்ப்பித்துள்ளது.

2023 ஆம் ஆண்டு ஒக்டோபர் மாதம் அதிகரிக்கப்பட்ட அதே விகிதங்கள் மற்றும் சதவீதங்களால் குறைக்கப்படுவதற்கு CEB எதிர்பார்ப்பதாக கடந்த மாதம் மின்சக்தி மற்றும் எரிசக்தி அமைச்சர் கஞ்சன விஜேசேகர நாடாளுமன்றத்தில் தெரிவித்திருந்தார்.

கடந்த ஆண்டு ஒக்டோபரில், உள்நாட்டு மற்றும் மத வழிபாட்டுத் தலங்களுக்கு 18%, தொழிற்சாலைகள் மற்றும் ஹோட்டல்களுக்கு 12%, அரசு நிறுவனங்களுக்கு 24% மின் கட்டணம் உயர்த்தப்பட்டமை குறிப்பிடத்தக்கது.