மாங்காட்டில் மாணவர்களுக்கு இலவச புத்தகம் சீருடை வழங்கும் நிகழ்வு !!

 (செ.துஷியந்தன்)

மாங்காட்டில் மாணவர்களுக்கு இலவச புத்தகம் சீருடை வழங்கும் நிகழ்வு 

பாடசாலை மாணவர்களுக்கு இலவச புத்தகம் மற்றும் இலவச சீருடை வழங்கும் தேசியமட்ட நிகழ்வுக்கு இணையாக பட்டிருப்பு வலயக் கல்விப் பணிமனையினால் உத்தியோகபூர்வமாக இலவச புத்தகம் மற்றும் இலவச சீருடை வழங்கி வைக்கும் நிகழ்வு வலயக் கல்விப் பணிப்பாளர் சிவானந்தம் சிறீதரன் வழிகாட்டலில் இன்று பிரதிக்கல்விப் பணிப்பாளர் ஜெயந்திமாலா பிரியதர்ஷன் தலைமையில் மாங்காடு சரஸ்வதி வித்தியாலயத்தில் நடைபெற்றது 

இந்நிகழ்வில் பிரதிக்கல்விப் பணிப்பாளர்களான பி.புவிதரன், இ.ஜீவானந்தராஜா, நீ.நேசகஜேந்திரன், உதவிக் கல்விப் பணிப்பாளர்களான செ.சுரேஸ்,ஆ.பார்த்தீபன், மாங்காடு சரஸ்வதி வித்தியாலய அதிபர் சு.பகிரதநாதன் உட்பட அயல் பாடசாலைகளின் அதிபர்கள் கலந்து கொண்டனர்.

இங்கு தேசியக்கொடி ஏற்றப்பட்டு தேசிய கீதம் இசைக்கப்பட்டு உத்தியோகபூர்வமாக நிகழ்வுகள் ஆரம்பித்து வைக்கப்பட்டது. பட்டிருப்பு வலயக் கல்விப் பணிமனைக்குட்பட்ட 70பாடசாலைகளிலும் கல்வி கற்கும் மாணவர்களுக்கு இவ் இலவச புத்தகங்கள் மற்றும் இலவச சீருடை ஆகியன வழங்கி வைக்கப்படவுள்ளமை குறிப்பிடத்தக்கது.