பொத்துவில் பிரதேச ஒருங்கிணைப்புக் குழுக்கூட்டம்!!

 

பொத்துவில் பிரதேச ஒருங்கிணைப்புக் குழுக்கூட்டம்  (DCC Meeting) பாராளுமன்ற உறுப்பினரும், ஒருங்கிணைப்புக் குழுத் தலைவருமான  சட்டத்தரணி கௌரவ எஸ்.எம்.எம்.முஷாரப் அவர்கள்  தலைமையில்  இன்று 2024.01.26 வெள்ளிக்கிழமை  காலை 9.30 மணியளவில் பொத்துவில் பிரதேச செயலக கேட்போர் கூடத்தில்  இடம்பெற்றது.

பொத்துவில் பிரதேச செயலாளர் சட்டத்தரணி எம்.ஐ.எம்.பிர்னாஸ் அவர்களின் ஒருங்கிணைப்பில் இடம்பெற்ற இக்கூட்டத்தில்  உதவிப் பிரதேச செயலாளர், உதவி திட்டமிடல் பணிப்பாளர்,பொலிஸ் மற்றும் இராணுவ உயர் அதிகாரிகள், திணைக்களங்களின் பொறுப்புவாய்ந்த தலைவர்கள், உத்தியோகத்தர்கள், பிரதேச சபையின் செயலாளர், சமூக நிறுவனங்களின் தலைவர்கள், அரச சார்பற்ற நிறுவனங்களின் பிரதிநிதிகள், மத ஸ்தலங்களின் பொறுப்பாளர்கள் என பலரும் கலந்து கொண்டனர்.

இன்றைய ஒருங்கிணைப்பு குழு கூட்டத்தில் அண்மையில் பொத்துவில் பிரதேசத்தில் ஏற்பட்ட பாரிய மழை மற்றும் வெள்ளப் பெருக்கின் தாக்கங்கள், அதனால் ஏற்பட்ட சேத விபரங்கள், குறிப்பாக விவசாய நீர்பாசன உட்கட்டுமானங்களுக்கு ஏற்பட்ட சேத விபரங்கள் போன்றன கவனத்தில் கொள்ளப்பட்டன.

மேலும் எதிர்காலங்களில் அனர்த்தங்கள் ஏற்படும்போது மேற்கொள்ள வேண்டிய முன்னாயத்த நடவடிக்கைகள், சேதமடைந்த உட்கட்டமைப்புக்களுக்கான மீள்நிர்மான நிதியொதுக்கீடுகள் மற்றும் கௌரவ பராளுமன்ற உறுப்பினர் அவர்களின் பண்முகப்படுத்தப்பட்ட வரவுசெலவுத்திட்ட நிதியொதுக்கீடுகள் சம்பந்தமாகவும் கலந்துரையாடல்கள் இடம்பெற்று காத்திரமான முடிவுகள் எட்டப்பட்டன.

ஜே.கே.யதுர்ஷன்

தம்பிலுவில்....